«Էլեկտրոնային երկսակագնային հաշվիչները շեղումով են աշխատում.դրանք կարող են սկսվել մի քանի րոպեից ու հասնել մի քանի ժամի: Սա մասսսայական բնույթ է կրում»,-այսօր՝ լրագրողների հետ հանդիպման ժամանակ ասաց «Սպառողների խորհրդատվական կենտրոն» ՀԿ նախագահ Կարեն Չիլինգարյանը:
Նրա խոսքով՝ սպառողներն իրենց իրավունքները պաշտպանելու համար կարող են վերահաշվարկ անելու պահանջով դիմել «ՀԷՑ»-ին:
Կարեն Չիլինգարյանը առանձնացրեց խախտման ևս մեկ կետ.
«Աուդիտից հետո պարզվեց, որ հաշվարկները ստույգ են և խախտում չկա, այդ իսկ պատճառով հոկտեմբերի մեկից նոր սակագին սահմանվեց: Կառավարության որոշումով մինչև 250 կվտ/ժ-ն վճարվում է հին սակագնով, իսկ, եթե 1 կվտ ավելացավ, ապա ամբողջը նոր սակագնով է վճարվելու: Շատ սպառողներ սա չէին հասկացել ու խնդիրներ առաջացան»,-նշեց «Սպառողների խորհրդատվական կենտրոն» ՀԿ նախագահը:
Անի Կարապետյան
