«2 օր առաջ Ֆրանսիայից ինձ մարդ էր զանգել, ասաց՝ ես ինֆորմացիա ունեմ, որ Նիկոլ Փաշինյանը զանգել ա նախկին ղեկավարներին և ասել՝ հանկարծ ստորագրություններդ տվեցիք իմպիչմենթի գործընթացում՝ բոլորիդ կալանավորելու եմ: Ես էլ ասացի, որ չեմ հավատում»,- ֆեյսբուքյան ուղիղ եթերով ասաց ԼՀԿ ղեկավար Էդմոն Մարուքյանը:

Անդրադառնալով իմպիչմենթի գործընթացում վարչապետի իր թեկնածությանը՝ Մարուքյանը նշեց, որ մտածում էր, թե ընդդիմադիր խմբակցությունները ստորագրությունները կտան, պրոցեսը կսկսվի:

«Հիմա ես Ֆրանսիայի զանգած տղայինն հավատա՞մ, թե՞ չհավատամ: Այդ ստորագրությունները ինչո՞ւ չտվեցին, վախենում են իշխանությունը փոխվի՞, կարող ա՞ այս իշխանության հետ գործարքի մեջ են: Ասել էի, որ Սերժ Սարգսյանի ու Ռոբերտ Քոչարյանի թամադայությամբ է ՀՀ-ի բոլոր հանձնումներն ու զիջումները տեղի ունեցել: Բա եթե ամեն այսպիսի իրավիճակում նենց մի բան են անում, որ իշխանությունը մնա, էլ ի՞նչ ասեմ»,- նշել է Մարուքյանը: