«Ամեն ինչ քանդված է...քանդված է ոչ միայն ռմբակոծության հետևանքով, այլև մարդկային ձեռքով: Ի՞նչ էին փնտրում գրքերի, լաբորատոր սարքերի մեջ, ինչո՞ւ էր ավերված գրադարանը…»,-լրագրողների հետ հանդիպման ժամանակ ասաց Թալիշ գյուղի հայոց լեզվի և գրականության ուսուցչուհի Ռոզա Խաչատրյանն, ով օրերս է վերադարձել հայրենի գյուղից:
Նրա խոսքով՝ հիմա գյուղում բացի զինվորականներից ոչ ոք չկա.
«Թալիշցիներն անորոշության մեջ են: Ոչ ոք չգիտի, թե ի՞նչ է անելու, ո՞րն է իր վաղվա օրը: Երբ խոսում ես աշխատանքի մասին՝ ասում են, թե գուցե աշխատանք չլինի, բայց հող կտանք՝ կմշակեք: Ո՞վ է այսօր միայն հող մշակելով պահում իր ընտանիքը, երեխային կրթության տալիս., իհարկե՝ ոչ ոք»,-նկատեց Ռոզա Խաչատրյանը:
Անի Կարապետյան
