Armlur.am-ը գրում է. 14 տարի անընդհատ արել ենք, անընդհատ ասֆալտապատում արել ենք, տանիք ենք վերանորոգել, դա շարունակական ծրագիր է: Մեզ հետ զրույցում այս մասին նշեց Հրազդանի վերընտրված քաղաքապետ Արամ Դանիելյանը` անդրադառնալով իր ընտրվելուց հետո կատարվելիք աշխատանքներին: Անդրադառնալով այն հանգամանքին, որ քաղաքապետի ընտրության օրը Հրազդանում կարող էինք տեսնել տարբեր պաշտոնյաների, ովքեր եկել էին ապահովելու Դանիելյանի հաղթանակը, վերջինս նշեց. «Դա թիմային աշխատանք է: Դա իմ քաղաքական թիմն էր, որն ինձ սատարում էր, դրա համար էլ արդյունքի հասանք»:
