Արդարադատության նախարար Արփինե Հովհաննիսյանն այսօր՝ լրագրողների հետ հանդիպման ժամանակ անդրադարձավ նաև հայ վարորդ Հրաչյա Հարությունյանին Հայաստան տեղափոխելու խնդրին.
«Այժմ այս հարցի քննարկումը գտնվում է ՌԴ իրավասու մարմինների քննարկման տիրույթում: Հանձնման գործընթացն ինքնին երկարատև է, ամիսներ կարող է տևել: Կարծում եմ, որ հաջորդ տարի այս հարցով հստակ առաջընթաց կունենանք»,-նշեց նախարարը:
Հիշեցնենք, որ «Նոր Մոսկվայում» վթարը տեղի է ունեցել 2013 թվականի հուլիսի 13-ին: Մանրաքար տեղափոխող «ԿամԱԶ»-ը մեծ արագությամբ բախվել է ուղեւորատար ավտոբուսին: Ողբերգական միջադեպի արդյունքում զոհվել է 18 մարդ:
Անի Կարապետյան
