Պակիստանում Իրշադ Ահմեդ անունով տղամարդը խեղդամահ է արել իր դուստրերին, քանի որ վերջիններիս ուսման տալու բավարար գումար չի ունեցել: Իր «նպատակին» հասնելու համար տղամարդը կնոջը համոզել էր մասնակցել հրավիրված հարսանիքին և իր հետ տանել միակ որդուն ու 2-ամյա դստերը: Արդյունքում` տղամարդը տանը միայնակ էր մնացել դուստրերի հետ միասին:
Խնջույքից տուն վերադառնալով` կինը հայտնաբերել է 3 աղջիկների անշնչացած մարմինները, որոնք դրված են եղել ակնողնու վրա: Կնոջ խոսքով` իր ամուսինը միշտ համարել է, որ աղջիկներն անպիտան են, ավելին` սպառնացել է սպանել նրանց: Պատկերն էլ ավելի էր լարվել 4-րդ դստեր լույս աշխարհ գալուց հետո: Տղամարդու կարծիքով` 4 աղջիկ ունենալով իրենք բոլորը սովամահ կլինեին, որովհետև ուսման տալն ու ամուսնացնելը մեծ ծախսերի հետ է կապված: Ներկայումս Ահմեդը հետախուզման մեջ է:
