ԱԺ «Հայաստան» խմբակցության պատգամավոր Քրիստինե Վարդանյանը, անդրադառնալով գործարար Սամվել Կարապետյանի շուրջ ստեղծված իրավիճակին, կարծիք հայտնեց, որ Նիկոլ Փաշինյանն այդ ամենով ուզում է ասել, որ եթե ամենաազդեցիկ հայերից մեկի նկատմամբ կարող է իրականացնել նման ապօրինություն, ապա պատկերացրեք` ինչեր կկատարվեն, եթե որևէ մեկը համարձակվի քննադատել իրենց։

Պատգամավորը խոսքն ուղղելով գործարարներին՝ ասաց․ «Ձեր վախենալու, լռելու իմաստը, ուրեմն որն է, դուք կարողանալո՞ւ եք ձեր ունեցվածքը պաշտպանել, Ալիևի ու Էրդողանի հետ կարողանալո՞ւ եք պայմանավորվել»։
Ըստ Վարդանյանի առաջին բանը, որ պիտի ազգայնացվի մեր երկրում ՀՀ կառավարությունն է։
Պատգամավորի ելույթից հետո Ալեն Սիմոնյանը հեգնեց․

«Հայր մերը բա չեք ասելո՞ւ»։

***

«Մեր շուրջ խորանում են աշխարհաքաղաքական ճգնաժամերը, և այստեղ շարքային քաղաքացու մոտ հարց է առաջնում՝ դուք ադեկվա՞տ եք։ Դուք իսկապե՞ս չեք տեսնում՝ մեր կողքն ինչ է կատարվում։ Եթե դա էլ մի կողմ թողնենք, լավ, արխային եք, հանգիստ եք, բայց դուք ադեկվա՞տ եք, երբ այս ամբիոնից հոխորտում եք սեփականության ազգայնացման մասին։ Ես չեմ կասկածում՝ անելու եք, խլելու եք»,- ԱԺ-ում իր ելույթի ժամանակ ասաց «Հայաստան» խմբակցության պատգամավոր Էլինար Վարդանյանը՝ հավելելով․ «Գործադիրի ղեկավարն ու իր հրահանգով մի քանի պատգամավորներ այստեղից ասում են՝ տեսեք, ինչ ենք անելու, հեսա ՀԷՑ-ը ազգայնացնելու ենք։ Հիմա ներդրողի համար կանխատեսելին ո՞րն է՝ մի բան, որ այս երկրում որևէ բան կանխատեսելի չէ և կայուն չէ»։

Ապա անդրադառնալով Նիկոլ Փաշինյանի ֆեյսբուքյան գրառումներին՝ Էլինար Վարդանյանն ասաց․ «Մի խելքը գլխին խորհրդական չունե՞ք՝ զգուշացնի, որ այդ գրառումները վաղը քրեական գործերի հիմք են դառնալու։ Կամ զգուշացնի, որ երկու օր անընդմեջ իրար հետևող քաղաքական հետապնդում իրականացնելու գրառումները առերևույթ գոնե ՔՕ-ի 441 հոդվածի առիթ են»։

Դիտեք նաև՝