Քիչ առաջ մահացել է Արմավիրի մարզի Զվարթնոց թաղամասում գտնվող գազալցակայանի պայթյունի հետեւանքով տուժած ԱԺ նախկին պատգամավոր Հակոբ Հակոբյանի (Ճոյտ) եղբայրը՝ Արմեն Հակոբյանը:
Այս մասին Asekose.am-ը տեղեկացել է «Ճառագայթային բժշկության եւ այրվածքների գիտական կենտրոնի» անզգայացման և վերակենդանացման բաժանմունքից:
Նշենք, որ 1965թ. ծնված Արմեն Ռաֆիկի Հակոբյանն ուներ 65 տոկոս մարմնի մակերեսի և 20 տոկոս վերին շնչուղիների այրվածք:
Հիշեցնենք, որ մայիսի 26-ին ահազանգ է ստացվել, որ Էջմիածնի մայրուղում` «Զվարթնոց» ռեստորանի մոտակայքում գտնվող գազալցակայանում լիցքավորման սարքից տեղի է ունեցել պայթյուն, ինչի հետեւանքով 3 մարդ վիրավորվել է: Պայթել է Volkswagen մակնիշի 34 QF 306 համարանիշի ավտոմեքենան: Մեքենան պատկանում է նախկին ԱԺ պատգամավոր Հակոբ Հակոբյանի (Ճոյտ) հարազատներին կիսով չափ այրվել է: Պայթյունի հետեւանքով վիրավորվել են մեքենայի կողքին գտնվող Հակոբ Հակոբյանի եղբայրը եւ որդին, ինչպես նաեւ գազալցակայանի աշխատողը:
