Ադրբեջանի նախագահի օգնական Հաջիևը հրապարակել է կադրեր այսպես կոչված « Զանգեզուրի միջանցքից» ու գրել է, որ այն ադրբեջանական հատվածում գրեթե արդեն պատրաստ է։
Հավելենք, որ օրերս էլ Ալիևն է խոսել այդ մասին․ «Զանգեզուրի միջանցքի» կառուցումն Ադրբեջանի տարածքում մոտենում է ավարտին, -հայտարարել է Ադրբեջանի նախագահը՝ ելույթ ունենալով Տաշքենդում՝ Կենտրոնական Ասիայի պետությունների ղեկավարների 7-րդ խորհրդատվական հանդիպման ժամանակ, հաղորդում են ադրբեջանական լրատվամիջոցները։
«Վստահ եմ, որ այս տարվա օգոստոսին Վաշինգտոնում ձեռք բերված պայմանավորվածությունները՝ Ադրբեջանի հիմնական հատվածը Նախիջևանի Ինքնավար Հանրապետության հետ կապելու վերաբերյալ, կնպաստեն միջազգային փոխադրումների տարանցիկ հնարավորությունների ընդլայնմանը», – ասել է նա։
Ալիևը հավելել է, որ 15 միլիոն տոննա տարանցիկ կարողությամբ երկաթուղին նախնական փուլում «կդառնա Միջին միջանցքի կարևոր զարկերակը»։
