galatv.am-ը գրում է. Գյումրիում ժամեր առաջ Վ.Աճեմյանի անվան դրամատիկական թատրոնի դիմաց տեղի ունեցած Հիմնադիր խորհրդարանի հանրահավաքի ժամանակ դանակահարվել էր կառույցի անդամներից՝ Հրաչիկ Միրզոյանը: Նրան շտապբուժօգնության մեքենայով տեղափոխել էին Գյումրիի բժշկական կենտրոն:
Կենտրոնի տնօրեն Արմեն Իսահակյանն ասաց, որ այս պահին քաղաքացու վիճակը ծանր կայուն է, նրա մոտ դանակահարությունից հետո սկսվել է ներքին արյունահոսություն: Քաղաքացուն այժմ վիրահատում են:
Բժիշկները հեռացրել են վնասված փայծախը, ներքին արյունահոսությունը դադարեցվել է:
Մանրամասներն սկզբնաղբյուր կայքում
Հիշեցնենք, որ արտակարգ դեպք էր տեղի ունեցել Գյումրիում: Թատերական հրապարակում «Հիմնադիր խորհրդարանի» հանրահավաքի ժամանակ դանակահարություն էր տեղի ունեցել` դանակահարել են «Հիմնադիր խորհրդարանի» անդամ Հրաչ Միրզոյանին:
100-ամյակը առանց ռեժիմի շարժումը հրապարակել է կասկածյալ դանակահարողի լուսանկարը:
