Գերմանիայում ձերբակալվել է ալ-Ջազիրայի հայտնի լրագրող Ահմադ Մանսուրը: Գերմանական իշխանությունները դեռևս չեն նշել ձերբակալության պատճառը, սակայն հայտնել են, որ Մանսուրի ձերբակալությունն օրինական հիմքեր ունի:
Ըստ տարածվող տեղեկությունների՝ գերմանացիները Մանսուրին ձերբակալել են եգիպտական իշխանությունների կողմից լրագրողին ձերբակալելու որոշումից հետո, և այժմ քննարկվում է Ահմադ Մանսուրին Եգիպտոսին հանձնելու հարցը:
Լրագրողի փաստաբանը նշել է, որ պաշտոնական Կահիրեն լրագրողին մեղադրել է Եգիպտոսի հեղինակությանը վնաս հասցնելու և խոշտանգումներ իրականացնելու մեջ:
Գերմանիայում վերահիշյալ ձերբակալությունը հասարակական լայն հնչեղութուն է գտել:
Հիշեցման կարգով նշեմ, որ Ահմադ Մանսուրն օրեր առաջ ալ-Ջազիրայով հեռարձակված Սիրիայում ակտիվ պայքար մղող ու Ալ-Կաիդա-ի մաս կազմող Ջաբհաթ ալ-Նուսրա իսլամական ծայրահեղ արմատական խմբավորման առաջնորդ՝ Ամու Մուհամմադ ալ-Ջուլանիի հետ մոտ 1 ժամանոց աղմկահարույց հարցազրույցի հեղինակն էր.....
