news.am-ը գրում է, որ ԱԺ ՀՀԿ խմբակցության պատգամավոր, ԵԿՄ նախագահ, գեներալ Մանվել Գրիգորյանը Շուշիի ազատագրմանը չի մասնակցել, բայց մասնակցել են նրա ջոկատի 15 տղաները: Այս մասին այսօր՝ մարտի 8-ին, լրագրողների հետ զրույցում ասաց գեներալը, որը Երկրապահի օրվա կապակցությամբ այցելել էր «Եռաբլուր» զինվորական պանթեոն:

«Շուշիի ազատագրման ժամանակ Շուշիի Քարին Տակ գյուղն իմ ջոկատից 15 տղաներ են պաշտպանել էդ ժամանակ, մասնակցել են ազատագրմանը: Ես Հադրութի շրջանում Տողի ազատագրմանն եմ մասնակցել: Առաջին գյուղերը Ղարաբաղում ես եմ ազատագրել, առաջին ՕՄՕՆ-ականներին հայոց պատմության մեջ ես եմ բռնել, ամեն ինչ ինձնից ա սկսվել»,- ասաց գեներալը՝ նշելով, որ Շուշիի ազատագրումը Արցախի ազատագրման պատմության մեջ մեծ նշանակություն ունեցավ:

Մանրամասները՝ սկզբնաղբյուր կայքում և տեսանյութում: