Լրագրողների` ինչո՞ւ Կառավարության նիստերին չի մասնակցում Ֆինանսների նախարար Գագիկ Խաչատրյանը հարցին Ֆինանսների փոխնախարար Վախթանգ Միրումյանը այսօր կառավարության նիստից հետո պատասխանել է.  «Նախարարը առողջական խնդիրներ ունի, վիրահատություն է անցել եւ առողջանալուց հետո կգա կառավարության նիստերին։ Մենք մեծ հույս ունենք, որ ամեն ինչ լավ կլինի»:

Նշենք, որ նախարարն առողջական խնդիրներ ունենալու պատճառով այս տարվա սկզբին չէր հաճախում կառավարության նիստերին: Ֆինանսների նախարարությունը կառավարությունում ներկայացնում էին փոխնախարարներ Պավել Սաֆարյանը, Արմեն Ալավերդյանը կամ Վախթանգ Միրումյանը: