Թարմացված․ Գագիկ Ծառուկյանի մոր առողջական վիճակն այս պահին արդեն լավ է։ Այս մասին ասել է ԲՀԿ առաջնորդի մամուլի խոսնակ Իվետա Տոնոյանը։

«Տիկին Ռոզա Ծառուկյանի առողջական վիճակը վատթարացել է ԲՀԿ առաջնորդի առանձնատանը տեղի ունեցած խուզարկությունից հետո հրապարակված տեսանյութերի ու լուսանկարների հրապարակելուց հետո։

Դրանց մասին տիկին Ծառուկյանն ավելի ուշ է տեղեկացել։ Փառք Աստծո, այս պահին տիկին Ծառուկյանի առողջական վիճակը լավ է»,– ասել է Տոնոյանը։

***

«Հրապարակ»-ը գրում է, որ կայքի տեղեկություններով կտրուկ վատացել է Գագիկ Ծառուկյանի 93-ամյա մոր՝ Ռոզա Ծառուկյանի առողջական վիճակը: Պատճառը խուզարկության ժամանակ որդու նկատմամբ կիրառված անօրինական բռնությունն է: Նա տեսել է և շատ ծանր է տարել տարածված տեսանյութերն ու լուսանկարները։