Արդեն տեղեկացրել ենք, որ այսօր առավոտյան գրանցվել է սուր շնչառական հիվանդություններից մահացության երկու դեպք:
Asekose.am-ի տեղեկություններով, օրվա երկրորդ կեսին գրանցվել է մահացության ևս երկու դեպք՝ «Գրիգոր Լուսավորիչ» և «Էրեբունի» բժշկական կենտրոններում:
Առողջապահության նախարարությունում այս մասին տեղեկություն չունեին:
Իսկ «Էրեբունի» ԲԿ-ի լրատվական ծառայության ղեկավար Շուշան Հունանյանը Asekose.am-ի հետ զրույցում հաստատեց սուր շնչառական հիվանդության բարդացումից մահվան դեպքը՝ նշելով, որ մահացել է 57-ամյա Աստղիկ Մանվելյանը:
Իսկ «Գրիգոր Լուսավորիչ» ԲԿ-ից տեղեկացրեցին, որ մահացել է 27 շաբաթական հղիության ժամանակ կեսարյան հատմամբ ծննդաբերած մի կին:
Երկու դեպքում էլ հիվանդները միացված են եղել արհեստական շնչառության սարքին:
