ԱԺ ԲՀԿ խմբակցության ղեկավար Իվետա Տոնոյանը ֆեյսբուքյան իր էջում ներկայացրել է իր ելույթը խորհրդարանի նիստում ու գրել է․
Այսօր Ազգային ժողովում քննարկվում էր Տեսալսողական մեդիայի մասին օրենքի նախագիծը երկրորդ ընթերցմամբ ընդունելու մասին հարցը: Ըստ իս նախագծի մի շարք դրույթներ կարող են խոսքի ազատության սահմանափակումների տարրեր պարունակել: Հարց է առաջանում` ինչո՞ւ նախագիծը չուղարկվեց միջազգային փորձաքննության, մանավանդ որ լրագրողական կազմակերպությունները դա էին պահանջում: Եթե իրականում իշխանությունը նոր գլավլիտի ինստիտուտ սահմանելու խնդիր չունի, ապա պետք է նախագիծը հանվի շրջանառությունից, ուղարկվի միջազգային փորձաքննության և հետո նոր միայն լրամշակվելուց հետո բերվի խորհրդարան:
