«Քննարկումները շարունակվում են, կարծում եմ՝ օրենքը որոշ փոփոխությունների կարիք միգուցե ունենա»,- ԱԺ-ում լրագրողների հետ զրույցում ասաց Ալեն Սիմոնյանը՝ անդրադառնալով զինվորական ծառայության մասին նախագծին։ Լրագրողի՝ աղքատների բանա՞կ եք ստեղծում հարցին, ասել է․ «Ես աղքատ չեմ եղել, բայց բանակ գնացել եմ․․․ Էն մարդիկ, ովքեր փորձել են գումարով ազատել որդիներին, արել են, նոր որակում տալու կարիք չկա, դրա դեմ պայքարը տարվել ու տարվում է»,- նշել է նա։

***

«Մակրոնը համաշխարհային մակարդակի ղեկավար է, մեծ առաջնորդ է, որևէ մեկի անձնական կյանք պետք չի մտնել»,- լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով Մակրոնի՝ կնոջից ստացած ապտակին։

***

«Երբ կլինի խաղաղության պայմանագիր, հայերը կարող են ապրել Բաքվում, մնացածը կարող են վերադառնալ էն գյուղերը, որ ժամանակին ապրել են ՀՀ տարածքում»,- լրագրողների հետ զրույցում հայտարարեց ԱԺ նախագահ Ալեն Սիմոնյանը։ «Խաղաղության պայմանագիրը կնքելուց հինգ րոպե հետո ՀՀ-ի ու Ադրբեջանի բնակիչները սկսելու են իրար հետ առևտուր անել»,- հավելեց նա։