Բրիտանացի գիտնականները հետևել են կամավորների խմբի, որոնք բոլորովին վերջերս են բաժանվել իրենց սիրելի մարդկանցից, և պարզել են, որ բավականին երկար տևած հարաբերությունների խզումը կարող է մարդու մոտ սրտի հետ կապված լուրջ հիվանդություններ առաջացնել: Դրանցից մեկը «կոտրված սրտի համախտանիշն է»:
«Կոտրված սրտի համախտանիշը» ոչ իշեմիկ կարդիոմիոպատիան է, որին բնորոշ է սրտամկանի կտրուկ կծկումը: Հիվանդությունն իր անվանումը ստացել է ծագման պատճառով. գիտնականները կարծում են, որ «կոտրված սրտի համախտանիշ» կարող են առաջացնել սիրելի մարդու մահը կամ նրանից բաժանումը: Կարդիոմիոպատիան առաջացնում է ցավեր կրծքավանդակում, կարող է նպաստել սրտային անբավարարության առաջացման:
Գիտնականները պնդում են, որ հենց այդպիսի համախտանիշեր են դիտվում մարդկանց մոտ, որոնք վերջերս են խզել հարաբերությունները սիրելիի հետ: 4 ամիս նրանք սրտային խախտումներ են ունենում, որոնք, իրենց հերթին, ազդում են մարդու ֆիզիկական առողջության և ընդհանուր կյանքի տևողության վրա: Բացի դրանից՝ ինչպես պարզել են ռուս մասնագետները, սիրելիից բաժանումը մի շարք այլ խնդիրներ ևս առաջացնում է՝ ստամոքսի և աղիների խանգարում, քնի խանգարում, շնչառության վատացում կամ մաշկային հիվանդություններ:
Աղբյուրը` Blognews.am
