Ինչպես արդեն տեղեկացրել ենք, «ԱլաԲալաՆիցա»-ի ստեղծողների կողմից նկարահանվել է և հանդիսատեսի դատին է հանձնվել նոր և որակյալ կինոկատակերգություն` «Սուպեր Մամա». ֆիլմում խաղում են սիրված ու հայտնի դերասաններ, այդ թվում` Հայկ Մարությանն ու Գարիկ Պապոյանը: Հայկ Մարությանը` նույն ինքը` Կարգին Հայկոն ֆեյսբուքյան էջում գրել է.
Մեկ տարի աշխատելուց հետո Սուպեր մամա ֆիլմը հանձնեցինք հանդիսատեսի դատին: Ֆիլմի ընթացքում մարդիկ լիաթոք ծիծաղեցին, իսկ վերջում հուզվեցին այն աստիճան, որ շատերը չէին կարող թաքցնել իրենց արցունքները:
Իսկ ես...ես հասկացամ, որ երջանիկ եմ: Երջանիկ եմ, որ կարողացանք մարդկանց երկու ժամով կտրել առօրյա հոգսերից և տանել մի աշխարհ, որտեղ կա արդարություն և պատիվ, մարդասիրություն և սեր: Երջանիկ եմ, որ անում եմ իմ սիրած գործը իմ սիրած երկրում:
Ի դեպ ֆիլմի պրեմիերայից հետո դերասանը պատասխանելով հարցին, թե մասնակցելու է հոկտեմբերի 10-ի հանրահավաքին, պատասխանել է, ոչ, քանի որ ինքը զբաղված է:
