Հատկապես այն մարդիկ, ովքեր վարում են առողջ ապրելակերպ և զբաղվում են սպորտով, պետք է ավելի ուշադիր հետևեն իրենց սննդակարգին, քանի որ միօրինակ սնվելու դեպքում օրգանիզմը չի ստանում իրեն անհրաժեշտ տարրերը: Դա բացասաբար է ազդում առողջության վրա: Օրինակ եթե պլանավորել եք վազել որոշակի տարածություն, պետք է լուրջ նախապատրաստվեք նաև ճիշտ սնվելուն:
Վազքից առաջ սննդակարգում կարևոր տեղ պետք է զբաղեցնեն այնպիսի մթերքներ, որոնք պարունակում են ածխաջրեր: Ածխաջերն ունեն, այսպես ասած, յուրօրինակ «վառելիքի» դեր, որը մարմինը մատակարարում է էներգիայով ամողջ մարզման ընթացքում: Այդ ամենի հետ մեկտեղ պետք է նվազագույնի հասցնել ճարպերի և սպիտակուցների օգտագործումը:
Սննդատեսակներ, որոնք վազքի ժամանակ ապահովում են օրգանիզմն էներգիայով
Մեղր Կատարյալ էներգետիկ սնունդ (ալերգիաների բացակայության դեպքում):
Մեղրի հիմնական բաղադրության մեջ մտնում են հիմնականում դյուրամարս ածխաջրերը՝ ֆրուկտոզա, գլյուկոզաև մալտոզա: Բացի այդ մեղրը պարունակում է ամինաթթուներ, վիտամիններ, հանքանյութեր: Մեղրում առկա որոշ հանքանյութեր կան նաև մարդու արյան բաղադրության մեջ: Սպորտով զբաղվող մարդիկ կարող են օգտագործել հնդկացորենի մեղր, քանի որ այն ավելի շատ է երկաթ պարունակում, քան մյուս տեսակները:
Բանան Այն նույնպես իր բաղադրության մեջ ունի բնական շաքար (գլյուկոզա, ֆրուկտոզա, սախարոզա), որոնք հեշտությամբ մարսվում են: Բացի դրանից պարունակում է մեծ քանակությամբ կալիում և մագնեզիում, որոնք օգնում են վերականգնել մկանները մարզումներից հետո:
Հնդկաձավարը ձավարեղենից ամենասննդարարն է: Այն պարունակում է մեծ քանակությամբ կալիում, մագնեզիում, ֆոսֆատ, իսկ երկաթի քանակն այնքան է, որքան մսի և ձկան մեջ: Երկաթի հիմնական գործառույթն այն է, որ ապահովում է օրգաններն ու մկանները թթվածնով: Երբ երկաթի մակարդակն իջնում է, օրգանիզմն ունենում է էներգիայի պակաս: Հնդկաձավարը հարուստ է նաև B խմբի վիտամիններով:
Հատապտուղներից պատրաստված դոնդող կամ պուդդինգ: Սա այլընտրանքային ածխաջրածնով հարուստ գել է: Դոնդողը, որն իր մեջ պարունակում է օսլա, անընդհատ փոխակերպվելով գլյուկոզայի ապահովում է օրգանիզմը էներգիայով, իսկ հատապտուղները` հանքանյութերով, ֆրուկտոզայով:
Վարսակի փաթիլներ: Սրանք նույնպես պարունակում են B խմբի վիտամիններ , ինչպես հնդկաձավարը, ածխաջրերը բավականին շատ են: Վարսակի շիլան պարունակում է հանքային բիոտին, որը ներգրավված է էներգետիկ նյութափոխանակությանը, և դրա անբավարարությունը կարող է դառնալ հոգնածության, քնկոտության պատճառ:
Չորացրած մրգեր: Սրանք ունենում են բարձր կալորիականություն և պարունակում ֆրուկտոզայի մեծ չափաբաժին (մինչև 70 տոկոս), հանքային նյութեր և վիտամիններ:
Մրգային խյուսեր, հյութեր: Բոլոր մրգերն էլ պարունակում են գլյուլկոզա, վիտամիններ և հանքանյութեր: Սպորտով զբաղվելու, մարզասրահ այցելելու ժամանակ ձեր օրանիզմը վիտամին C-ի կարիք է ունենում:
Կակաո: Կակաոն ավելի լավ է խմել անյուղ կաթով կամ սոյայի կաթով: Ըմպելիքի այս տեսակը հայտնի է իր կազդուրիչ ազդեցությամբ: Շաքարի փոխարեն կակաոյում օգտագործեք մեղր:
Մարզումից քանի ժամ առաջ կարելի սնվել
Երբեք քաղցած վիճակում մի գնացեք վազելու: Մարզումն այդպիսով արդյունք չի տա: Բացի այդ կունենաք վատ ինքնազգացողություն և գլխապտույտ, մինչև անգամ գիտակցության կորուստ: Մյուս կողմից պետք է նշել, որ չի կարելի շատ ուտել վազքից առաջ: Ստամոքսի ծանրությունը կառաջացնի անտանելի ծակոցներ որովայնի շրջանում:
Կարող եք սնվել վազքից 2-3 ժամ առաջ: Վազքից 30-40 րոպե հետո սնունդ ընդունելու դեպքում պետք է այն լինի շատ քիչ քանակությամբ:
