«Փաստինֆո»-ի տեղեկություններով՝ այսօր քննիչը միջնորդություն է ներկայացրել Աջափնյակ և Դավթաշեն վարչական շրջանների դատարան՝ Անի Մաջնույանին առանձնակի դաժանությամսբ սպանելու կասկածանքով ձերբակալված 20-ամյա երիտասարդի նկատմամբ խափանման միջոց կալանավորում կիրառելու վերաբերյալ: Երիտասարդին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 8-րդ կետով՝ (սպանություն՝ զուգորդված ավազակությամբ)։  Հիշեցնենք, որ Անի Մաջնունյանի դին հայտնաբերվել է 2015 թվականի օգոստոսի 5-ին՝ իր բնակարանի ննջարանի հատակին՝ կտրող-ծակող առարկայով պատճառված բազմաթիվ մարմնական վնասվածքներով։ Դիակի զննությամբ հայտնաբերվել է դանակի շեղբ՝ մարմնի մեջ։  

Դեպքի վայրի  զննությամբ պարզվել է, որ տան իրերն ամբողջությամբ եղել է տակնուվրա  արված,  հագուստները՝ թափթփված։ Դիահերձմամբ Ա.Մաջնունյանի արմնի տարբեր մասերում հայտնաբերվել է 58 մարմնական վնասվածք: Դեպքի առթիվ Աջափնյակ և Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 8-րդ կետով՝ (սպանություն՝ զուգորդված ավազակությամբ)։