«2026 թվականին ինչպե՞ս եք պատասխանելու ժողովրդի այն հարցն, թե Քոչարյանն ու Սերժը ինչո՞ւ նստած չեն»,- ճեպազրույցի ժամանակ հարց ուղղվեց ԱԺ նախագահ Ալեն Սիմոնյանին։ Նա պատասխանեց․ «Դա բարդ է, դա իրավապահների դաշտում է։ Մեզ համար շատ ցանկալի է, բայց անթույլատրելի է զանգել ՀՀ դատախազին և ասել՝ Ռոբերտ Քոչարյանը պետք է 4 ժամ հետո բանտում լինի։ Դա ցանկալի է ոչ միայն իր հետ կապված, այլ շատ այլ մարդկանց հետ կապված, ովքեր մարդ են գյուլել Երևանի կենտրոնում։ Որ վզներից բռնեն, գցեն պադվալը։ Բայց հրեշին սպանողը դառնում է հրեշ։ Մենք այդ հրեշին բռնել ենք, խեղճացրել ենք, քշել ու մտցրել եք իր բույնը և այնտեղ պահելու ենք այնքան ժամանակ, մինչև իր պատիժը ստանա»։

«Ռոբերտ Քոչարյանի քաղաքական սև էջն է, որ գույքը պարտքի դիմաց տվեց ուրիշ երկրների, տրանզիտ տրուբեն սարքեց ավելի փոքր, Սերժ Սարգսյանն էլ տվեց «ՀայՌուսգազարտ»-ին, որն էլ վերջում տվեց այլ երկրի։ Դա իրենց ամոթն է»,- ճեպազրույցի ժամանակ ասել է ԱԺ նախագահ Ալեն Սիմոնյանը։

Հարցին, թե իսկ ձեր քաղաքական ամոթը ո՞րն է, Ալեն Սիմոնայանը պատասխանեց․ «Մեր իշխանության քաղաքական ամոթն այն է, որ այս մարդիկ, որոնք թույլ չեն տալիս, որ քաղաքական դաշտում ընդդիմություն ձևավորվի, դեռ բանտում չեն։ Այն է, որ մենք, գալով 2018-ին իշխանության, նույն տրամաբանության մեջ էինք ապրում և մտածում Ղարաբաղի հետ կապված, հավատում և վստահում էինք այն նույն տրամաբանությանը, որը գոյություն է ունեցել 30 տարի, այսինքն՝ կզանգենք ռուսին, ինքը պատերազմը կկանգնեցնի։ Բայց պատերազմը գցեցին մեր ջեբը ու թռան»։

***