Վանաձորում բնակվող Թորոսյանների ընտանիքի փոքրիկը՝ 7-ամյա Էմինը, տառապում է մանկական ուղեղային կաթվածով:  2014 թվականի նոյեմբերի 15-ին Տուլա քաղաքի Վերականգնողական կլինիկայի ինստիտուտում երեխան անցել է  վերականգման կուրս: Նույն կլինիկայի մասնագետները փետրվարի 11-ին պետք է գային Հայաստան` ՄՈՒԿ-ով ծնված  երեխաների վիրահատությունների կատարման համար: Սակայն ինչ-ինչ խնդիրների պատճառով նրանց այցը չստացվեց և Էմինին 
ծնողները ստիպված են երեխային տանել Տուլա:

Վիրահատության օր է նշանակված մայիսի 25-ը: Փոքրիկին ինքնուրույն քայլեր կատարելու և վիրահատությանը մասնակցելու համար անհրաժեշտ է ընդամենը 1500 ԱՄՆ դոլար  և 1000 դոլար ճանապարհածախս: Էմինը եկեղեցու և դասընկերների աջակցությամբ արդեն ունի 200 դոլար, եղել են նաև  բարերարներ որոնց շնորհիվ ևս 500 դոլար հավաքվել է, իսկ մնացած մասը հավաքելու հարցում նրա ծնողները դիմում են  հանրության աջակցությանը: Օգնենք մանկահասակ Էմինին իր ընկերների նման ինքն էլ կարողանա ինքնուրույն քայլել և խաղալ:

Երեխային օգնելու նպատակով նրա հոր՝ Պետրոս Թորոսյանի անունով, ՎՏԲ-Հայաստան բանկում բացված են հաշվեհամարներ. 

AMD 16093001774601; USD 16093001774602; EUR 16093001774603; RUR 
16093001774604: SWIFT: ARMJAM22: 

Երեխայի մոր հեռախոսահամարն է՝ +37493 93-27-41:

«ԱՐՇԱԿ ԴԱԲԱՂՅԱՆԻ ԱՆՎԱՆ ՄԱՅՐ ՄԱՆԵ» ՍՈՑԻԱԼԱԿԱՆ ՀԿ

Կոնտակտային անձ՝ Մանուշակ Ստեփանյան

Հեռ.՝ +37495 14-20-24