Լեհաստանից Եգիպտոս թռչող օդանավը արտահերթ վայրէջք է կատարել Բուլղարիայի Բուրգաս քաղաքի օդանավակայանում ռումբի մասին ահազանգի պատճառով: Այս մասին փոխանցում է «ՌԻԱ Նովոստի»-ն՝ վկայակոչելով բուլղարական լրատվամիջոցները: Հավանական ռումբի մասին հայտնել է 64-ամյա ուղևորը, որին իրավապահ մարմինները հարցաքննում են:
Օդանավը բարեհաջող վայրէջք է կատարել Բուրգաս քաղաքում: Ուղևորներին տարհանել են։ Օդանավում հակաահաբեկչական ռեժիմ է մտցվել։ Ոստիկանները շղթայել են դեպքի վայրը։
Հիշեցնենք, որ հոկտեմբերի 31-ին Եգիպտոսից Սանկտ Պետերբուրգ չվերթի AirbusA321 օդանավը կործանվել էր Սինայի թերակղզում։ Օդանավի 217 ուղևորները եւ անձնակազմի 7 անդամները զոհվել են։
