ՀՀ ոստիկանության պարեկապահակային ծառայության գնդի տարածքում գտնվող Հիմնադիր խորհրդարանի մամլո խոսնակ Վարուժան Ավետիսյանը ԳԱԼԱ-ի հետ զրույցում նշեց, թե տեղեկություն ունեն, որ ոստիկանությունը պատրաստվում է գրոհի՝ հարձակման:
Վաղ առավոտից անջատվել են «Սասնա ծռեր» խմբի անդամների մոտ գտնվող բոլոր կապի միջոցները, եւ այս պահին դրսի հետ կապը գրեթե անհնարին է դարձել: Վարուժան Ավետիսյանը փոխանցեց նաեւ, որ տեխնիկայի շարժ է նկատվում, ինչն ավելի հավանական է դարձնում այն ենթադրությունները, որ ոստիկանությունը քայլեր է ձեռնարկում.
«Կապից անջատում են, որ գրոհեն, նոր տեխնիկա են բերել, եթե հարձակվելու են, մենք էլ պատրաստվում ենք միջոցներ ձեռք առնել: Ուրիշ կապով խոսում ենք դրսի հետ, խոսելուց, պատասխաններից, խուսափողականությունից պարզ է դառնում, որ հարձակման մեծ հավանականություն կա, այսինքն այդ տարբերակն իրենց համար իրատեսական է»,-նշեց նա:
Մանրամասները՝ սկզբնաղբյուր կայքում
