Խորհրդարանում՝ պետաիրավական հարցերի եւ մարդու իրավունքների պաշտպանության հանձնաժողովի նախագահի ընտրության հարցի քննարկմանը, ՀՀԿ-ական պատգամավոր Մարգարիտ Եսայանը, միակ թեկնածուին՝ Գեւորգ Կոստանյանին դիմելով՝ ասել է. «Դուք սիրված եք», ավելին՝ Եսայանն ասել է, որ Կոստանյանն ավելիին է արժանի, քան հանձնաժողովի նախագահի պաշտոնը. «Պարոն Կոստանյան, ուրախ եմ, որ այստեղ եք, ձեր մարդկային տեսակն էլ է ինձ սրտամոտ, էն էներգիան, որ ունեք, էն ջիղը, որը կա, ինձ սրտամոտ է: Դանդաղաշարժ, դանդաղ մտածող քաղաքական գործիչներն ինձ համար ընդունելի չեն, դուք ճիշտ, դուխով, թափով առաջ գնացող քաղաքական գործիչ եք եւ պետական գործիչ եք»,-նշել է Մարգարիտ Եսայանը: