«Եթե հետպատերազմյան շրջանում մեզ հաջողվի հասնել նրան, որ երկաթուղիները բացվեն, սա նշանակում է, որ մենք կունենանք հնարավորություն մեր ունեցած 21-րդ դարի երկրորդ նավթը՝ պղինձը շատ արդյունավետ օգտագործել»,- Արմավիրի մարզի Արագած համայնք կատարած այցի ժամանակ ներկաների հետ հանդիպմանը հայտարարել է վարչապետ Նիկոլ Փաշինյանը:

Նրա խոսքով՝ որպեսզի վերոնշյալը լինի, պետք է գնալ որոշակի լուծումների և փոխզիջումների. «Գիտեք, որ մեր երկաթուղիները, մասնավորապես՝ դեպի Իրան և դեպի Ռուսաստան անցնում են Ադրբեջանով: Մենք պետք ա էստեղ հասկանանք, որ չի կարող լինել էնպես, որ մենք իրանց տարածքով ճանապարահ ստանաք, իրենք մեր տարածքով չստանան: Էստեղ, այո՛, մենք պետք է կայացնենք որոշումներ. մենք փոխադարձաբար էդ ճանապարհներից պետք ա օգտվենք: Եվ ընդհանրապես կարծում եմ, որ մենք մեր հայացքները պետք է փոխենք տարածաշրջանի նկատմամբ»- ասել է Փաշինյանը: