150-րդ թատերաշրջանը աճեմյանցիները կսկսեն «Գամարջոբա մամա» հայ-վրացական համատեղ ներկայացմամբ:
Սեպտեմբերի 25-ին և 26-ին Գյումրու դրամատիկական թատրոնում կներկայացվի Թբիլիսիի Պետրոս Ադամյանի անվան հայկական թատրոնի հետ համատեղ նոր կատակերգություն՝ թատրոնի գլխավոր ռեժիսոր Լյուդվիգ Հարությունյանի բեմադրությամբ:
Ի դեպ՝ սա Հայսատանի սահմաններից դուրս գործող միակ հայկական պետական թատրոնի հետ առաջին համագործակցությունը չէ, այս երկու ստեղծագործական կոլեկտիվները նույն բեմում առիթ ունեցել էին ստեղծագործել նաեւ 2013-ին:
Գյումրի- Թբիլիսի թատերական կամուրջի, «Գամարջոբա մամա» նախագծի և Պետրոս Ադամյանի անվան հայկական թատրոնի շենքի սպասվող վերանորոգման աշխատանքների մասին զրուցեցինք Թբիլիսիի Պ. Ադամյանի անվան հայկական պրոֆեսիոնալ թատրոնի գեղարվեստական ղեկավար Արմեն Բայանդուրյանի հետ
-Պարոն Բայանդուրյան, ուզում եմ սկսել Գյումրու դրամատիկական թատրոնի հետ սկսված ու շարունակվող համագործակցությունից: Ինչպե՞ս եք գնահատում երեւույթը:
-Իհարկե դրական եմ գնահատում: Լավ կլիներ հետագայում արդեն մենք հրավիրեինք Գյումրու առաջատար դերասաններին մեր ներկայացումներին մասնակցելու, եւ, առհասարակ, համատեղ արվող ներկայացումները միշտ էլ հաջողություններ են ունենում:
-Ամեն ինչ սկսվեց ,,Այ քեզ Խաթաբալայից,,: Գյումրին ծափահարեց ձեր դերասաններին ու գոհ մնաց: Ի՞նչ տվեց Ձեզ ու Վրաստանի հայկական թատրոնին այս համագործակցությունն ու ի՞նչ եք ակնկալում Գամարջոբա մամայից:
-Նախեւառաջ շնորհիվ այդ ներկայացման մեր դերասանները մեկ անգամ եւս շփվեցին Հայաստանում գործող դերասանների եւ Գյումրու թատրոնի հանրույթի հետ: Ստեղծագործող մարդը, երբ հնարավորությույնն ունի խաղաղալ մեծ բեմում մեծ պատասխանատվությամբ է մոտենում այդ հնարավորությանը: Ցանկացած նոր բեմ, նոր հանդիսատես նոր ուժ ու եռանդ է բերում: Այս համագործակցությունն, իհարկե, հատկապես կարեւոր է երիտասարդ դերասանների համար:
-Պարոն Բայանդուրյան, Թբիլիսիի Պետրոս Ադամյանի անվան հայկական թատրոնը միակ պետականն է, որ գործում է Հայաստանից դուրս: Տեղյակ ենք նաեւ, որ թատրոնի շենքը վթարային է: Ե՞րբ կվերանորգվի այն ու պատրաստ կլինի շահագործման:
-Շենքի վերանորոգման համար մրցույթ է հայտարարված: Մինչեւ դեկտեմբեր վթարային վիճակից շենքը դուրս կբերվի եւ պատրաստ կլինենք ընդունելու հանդիսատեսին:
-Ի՞նչ է տեսնելու սեպտեմբերի 25-ին հանդիսատեսը Գյումրիում: Ձեր դերասան Սերգեյ Սաֆարյանն առայժմ գաղտնի է պահում՝ ինչ կերպարում է լինելու: Գուցե դուք բացահայտեք:
-Ինձ թվում է՝ այդ հարցի հացեատերը Գյումրու թատրոնն է : Միայն ասեմ, որ շատ ուրախ եմ, որ Գյումրու թատրոնը մեր Սերգեյի կարիքն ունի: Նա իրոք շնորհաշատ դերասան է:
- Գամարջոբա Մամայից հետո նոր համատեղ ներկայացումների սպասե՞նք:
-Հուսանք, որ արդպիսիք կլինեն:
