Լրագրող Սյուզի Բադոյանը ֆեյսբուքյան էջում տեսանյութ է հրապարակել, որում ցույց է տալիս Վեդու Քննչական կոմիտեի մուտքը և պատմում, որ անչափահասներին բռնաբարող երկու տղամարդկանց շատ բարեհաճ վերաբերմունքով` առանց ձեռքերը ոլորելու և նվաստացնելու, ինչպես, օրինակ, Սրբազաններին, բերում են ՔԿ` առերեսման: Կասկածյալ Արթուր Երեմյանին վարդի թփերի ետևով ծածուկ բերել են առերեսման ու էլի տարել:
Նա նաև պնդում է, որ կասկածյալներից մեկին` տաքսիստ Դավիթ Այնազյանին, ով, հավանաբար, լուրջ կապեր ունի, մտցրել են ՔԿ առերեսման և ժամեր շարունակ «փայփայում են, չեն թողնում որ դուրս գա», որ լրագրողներին չհանդիպի:
Բադոյանը նաև տեղեկացրեց, որ և դատաբժիշկն է տղամարդ եղել և քննիչը, ինչը հնարավորություն չէր տվել: Այնինչ երեխաներն ամեն ինչ պատմել են փաստաբաններին:
Փաստաբաններն էլ իրենց հերթին հավաստիացնում են, որ երեխաների հանդեպ սեքսուալ բռնությունը դեռ շարունակվելու էր, եթե իրենք այս հարցը չբարձրաձայնեին:

Հավելենք նաև, որ փաստաբան Լուսինե Մարտիրոսյանն էլ ֆեյսբուքյան իր էջում գրել է․ «Վեդիի համայնքապետարանը հունիսի 1-ի համար միջոցառումների շարքը գծե՞լ է արդեն, գումարները հասցնի ելք անի, նկարի ու նկարվի, որպեսզի երեխաներ սիրող «խուլիգանչիկ»-ի կերպարն ապահովի... դրան զուգահեռ անտեսելով իր ուղիղ պարտականության մեջ մտնող՝ խոցելի ընտանիքում անչափահասների նկատմամբ հսկողությունն ու հոգածությունը: Էս ո՞վ են սրանք, ինչի՞ համար են սրանց սոց․աշխատողներն ու ընդհանրապես իրենք, յուրաքանչյուր դեպքով պետք է պատկան մարմինների հարցը բարձրացնել, բոլորը պիտի պատասխան տան էս երեխաների հանդեպ տեղի ունեցածի համար»։