Էլեկտրաէներգիայի սակագինը բարձրացնելու որոշման դեմ պայքարող քաղաքացիները, որոնք երեկ ժամը 19:00-ից փակել են Բաղրամյան պողոտան, չեն պատրաստվում հեռանալ` չնայած նրան, որ նրանց ու ոստիկանների միջեւ կենդանի պատ կազմելու նպատակով բաղրամյան պողոտա եկած պատգամավորներն ու շոու բիզնեսի աստղերը խորհուրդ էին տվել ակցիան շարունակել Ազատության հրապարակում՝ երթևեկությունը չխանգարելու նկատառումներով:
«Ոչ թալանին» ակցիայի նախաձեռնող խմբի անդամ Վաղինակ Շուշանյանը: «Բաղրամյան պողոտան փակ ենք պահելու այնքան ժամանակ, մինչև մեր բարձրացրած խնդրին հստակ լուծում չտան»,-ասաց Շուշանյանը:
Նա տեղեկացրեց, որ այս պահին թե ոստիականական ուժերը և թե հենց բողոքին մասնակցող քաղաքացիները սակավաթիվ են, ամեն ինչ ընթանում է խաղաղ:
Իրենց նախապայմանները բավարարելու դեպքում Վաղինակ Շուշանյանը հնարավոր համարեց նախագահի հետ հանդիպելու այսօրվա հավանականությունը. «Միակ քննարկման տարբերակը կլինի այն դեպքում երբ մեզնից 10 հոգի կլինի նախագահականում և երկու, երեք լրատվամիջոց ապահովի ուղիղ եթեր»:
Նշենք, որ արդեն 14 ժամից ավելի ցուցարարները չեն հեռանում Բաղրամյան պողոտայից։
Հեղինակ՝ Անի Միրաքյան
