Երգչուհի Նադեժդա Սարգսյանը դեմ է, որ էլեկտրաէներգիայի սակագինը բարձրանա: Asekose.am-ի հետ զրույցում, անդրադառնալով թանկացման դեմ պայքարող ակցիայի մասնակիցներին, երգչուհին նախ ողջունեց նրանց պայքարը, ապա՝ նշեց, որ շատ լավ երեխաներ ունենք:
Ըստ նրա՝ մեր երկրում պահանջատեր հասարակություն չի ձևավորվել, սակայն կան մի քանի երիտասարդներ, ովքեր գիտակցում են, որ քաղաքացին ևս իր երկրում ասելիք ունի և կարող է իր պայքարն առաջ տանել:
Ի պատասխան հարցին, թե արդյոք ՀՀ իշխանությունները սակարկությունների կգնան և կվերանայեն էլեկտրաէներգիայի սակագնի բարձրացման որոշումը, Նադեժդա Սարգսյանը ասաց.
«Հուսով եմ, որ մեր իշխանությունները կմտածեն մեր ժողովուրդի մասին, որովհետև այսօր ժողովուրդը հացի փող է հայթայթում»:
Ինչ վերաբերվում է հանրային մարդկանց մասնակցությանը, Նադեժդա Սարգսյանն ասաց, որ չի կարող ասել, թե այդ հանգամանքը որքանով կազդի, սակայն ողջունելի է այն, որ հանրային դեմքերը ևս մասնակցում են պայքարին՝ փորձելով լինել օգտակար:
