«Զինաթափվել է մեկ ստորաբաժանում, այսինքն, պարզվում է, որ Հայաստանի թիկունքն ապահովված չէ: Այս իրավիճակի պատճառը կոռուպցիան է, քրեաօլիգարխիկ համակարգը, սոցիալական լարվածությունը, աղքատությունը…
Անհրաժեշտ է արմատական բարեփոխումներ իրականացնել, հակառակ դեպքում սա կարող է կրկնվել շատ ավելի լուրջ հետևանքներով»,-լրագրողների հետ հանդիպման ժամանակ ասաց ԳԽ նախկին պատգամավոր Ազատ Արշակյանը՝ խոսելով «Սասնա Ծռեր» ջոկատի գործողությունների մասին:
Արագած Ախոյանին էլ հետաքրքրեց, թե որտե՞ղ է մեր մտավորականությունը, որը միջնորդի դեր պետք է տաներ.
«Կոչ եմ անում հավավքվել և միջնորդ դառնալ՝ այս արյունահեղությունը դադարեցնելու համար: Նման սցենար մտածելն ու իրագործելն անմտություն է: Դպրոց չե՞ն գնացել, բա այս ձևո՞վ է դա արվում, ոչ մի պլան չունեն»,-նշեց պատգամավորը:
Անի Կարապետյան
