«Մարտի մեկից առաջ հավաքեցի մարդկանց և սկսեցին քննարկումները մինչև հաջորդ օրվա ժամը չորսը, որևէ արդյունքի չհասանք, ես զգում էի, իրավիճակն այդպիսին էր, ավտոմատները պատրաստ էին, կամուֆլյաժները հագած, մարդիկ գնում էին որոշակի գործողությունների, որոնք կարող էին ունենալ շատ ավելի մեծ հետևանքներ: Քննարկումների սկզբունքն այս էր, մեկ կաթիլ արյունն էլ չի կարող արդարացնել ցանկացած նպատակ, վերջում, երբ տեսա կոնֆլիկտը չենք հաղթահարում, ես բավականին զայրացա, կյանքում ինձնից որևէ մեկը հայհոյանք չի լսել, այդ օրն այնտեղ լսեցին. Ասացի առաջին զոհը ես պիտի լինեմ, եթե դուք գնում եք էդ ճանապարհով»,-այսօր լրագրողների հետ զրույցում հիշել է Սահմանադրական դատարանի նախկին նախագահ և արդեն Բարձրահույն դատական խորհրդի ղեկավար Գագիկ Հարությունյանը: