Երգիծանքի և հումորի օրն ամբողջ աշխարհում նշվում է ապրիլի 1-ին:
Համաշխարհային տոնը սիրված է և նշվում է աշխարհում: Ընդունված է այս օրը կատակներ անել և փորձել ինչ-որ մեկին համոզել, թե հենց դա է ճշմարտությունը:
Ավանդաբար Նոր Զելանդիայում, Իռլանդիայում, Մեծ Բրիտանիայում, Ավստրալիայում և Հարավային Աֆրիկայում կատակներ են անում մինչև կեսօր: Դրանից հետո կատակներ անողներին անվանում են «ապրիլյան հիմարներ»: Աշխարհի մի շարք երկրներում, օրինակ Ուկրաինայում և Բուլղարիայում, այդ օրը փառատոններ են անցկացվում: Տոնի առաջին հիշատակությունը թվագրվում է 1686-ով, երբ գրող Ջոն Օբրին հիշատակեց «Fools Holiday»-ը: Ապրիլմեկյան ամենահայտնի կատակները Որոշ լրագրողներ հայտարարեցին, թե Apple ընկերությունը գնում է Beatles-ը (ճանաչված երաժշտական խումբ), ինչը մինչև հիմա կատակ է երաժշտական շրջանակներում: 1915 թվականի ապրիլի 1-ին Առաջին համաշխարհային պատերազմի ընթացքում գերմանական ճամբարի առջև հայտնվեց ֆրանսիական ինքնաթիռ և հսկայական ռումբ նետեց: Պայթյուն տեղի չունեցավ.ռումբի վրա գրված էր «Շնորհավոր ապրիլի 1»: 1957-ին էլ BBC-ն հրապարակել էր Շվեյցարիայում մակարոնի չտեսնված բերքի մասին նյութ. շատերը նամակներ էին ուղղում ընկերությանը` նշելով, թե մինչ այդ վստահ էին, որ մակարոնն ալյուրից են պատրաստում: Google ընկերությունը ևս կատակել է օգտատերերի հետ: 2013-ին հայտարարվեց, թե շուկայում հայտնվում է նոր ծառայություն` Google Nose-ը (Գուգլ քիթ), որը, իբրև թե կարող էր բույրեր արձակել սարքի վրա, որով աշխատում է օգտատերը: Բոլոր ժամանակներում էլ որակյալ հումորն ու երգիծանքը եղել են զորեղ միջոցներ բազմաթիվ խնդիրների, հոգսերի հաղթահարման համար:
