Հայաստանի նախագահ Արմեն Սարգսյանին այսօր իր հավատարմագրերն է հանձնել մեր երկրում Թունիսի արտակարգ և լիազոր դեսպանը:
«Նախ և առաջ, իսկապես հպարտ եմ՝ պատիվ ունենալու լինել Թունիսի առաջին դեսպանը, ով իր հավատարմագրերը հանձնեց Հայաստանի Հանրապետության նորին գերազանցություն նախագահին: Պարոն նախագահը Թունիսի նախագահ, նորին գերազանցություն Բեջի Կաիդ Էլ Սեբսիին հրավիրեց այցելելու Հայաստան: Դա իսկապես լավ հնարավորություն կլինի խթանելու մեր երկկողմ հարաբերությունները:
Գիտեք, որ մեր երկու երկրի միջև շատ լավ ու բարձր մակարդակի քաղաքական հարաբերություններ կան, սակայն մենք պետք է նույնն ունենանք տնտեսական և առևտրային հարաբերություններում ևս:
Պարոն նախագահը պատրաստ է բոլոր այս քայլերին՝ նպաստելու հարաբերությունների զարգացմանը: Մենք խոսեցինք ապրիլի վերջին և մայիսի սկզբին Երևանում Թունիսի տնտեսության օր կազմակերպելու մասին, որը կհյուրընկալվի Հայաստանի իշխանությունների կողմից: Մենք կունենանք B2B հանդիպումներ երկու երկրի գործարարների միջև:
Մեր երկու երկրները մեծ հնարավորություններ ունեն: Նախագահն ինձ ասաց նաև թունիսյան զբոսաշրջության մասին: Հայ զբոսաշրջիկների համար դա լավ հնարավորություն կարող է լինել. նրանք այցելում են տարբեր երկրներ, իսկ ինչու չեն կարող գնալ նաև Թունիս:
Սա իսկապես լավ հանդիպում էր նորին գերազանցություն նախագահի հետ»,-մամուլի համար հայտարարությունում ասել է Թունիսի դեսպանը :
