«Սասնա ծռեր» խմբի անդամ Արայիկ Խանդոյանն առաջադրվեց Արագածոտնի մարզի Ծաղկահովիտ գյուղի գյուղապետի պաշտոնում: Այս մասին հայտնել է անձամբ Խանդոյանի փաստաբանը` Արայիկ Պապիկյանը, ով անհրաժեշտ բոլոր փաստաթղթերն արդեն ներկայացրել է մարզային ընտրական հանձնաժողովին:
Հիշեցնենք, որ Արայիկ Խանդոյանը (Միայնակ Գայլ) իր պաշտպան Արայիկ Պապիկյանի միջոցով հայտարարություն է տարածել, որտեղ նշում է, որ արդեն երրորդ օրն է, «Նուբարաշեն» ՔԿՀ-ի վարչակազմը եւ ՀՀ Հատուկ քննչական ծառայությունը չեն ցանկանում հաստատել իր լիազորագիրը, որի միջոցով Խանդոյանի վստահված անձը պետք է Ծաղկահովիտ համայնքում կայանալիք ՏԻՄ ընտրություններում կազմակերպի Արայիկ Խանդոյանի թեկնածության առաջադրումը:
