Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
Մեր բռնապետը հերթական անգամ հեգնում է Հայաստանում ապրող քրիստոնյաներին և բոլոր հոգևորականերին. Աշտարակի Սուրբ Սարգիս եկեղեցու դպիր
Արագածոտնի թեմի եկեղեցիներում և հոգևորականների տներում խուզարկություններն ու ձերբակալությունները սկսվել են առավոտյան 7–ից, ԱրմենիաSputnik– հետ զրույցում ասաց Աշտարակի Սուրբ Սարգիս եկեղեցու դպիր Շիրազը։
«Բոլոր հոգևորականները անհասանելի են։ Ու բոլոր քահանաներն այսօր հոգեհանգստի, հուղարկավորության ծեսեր ունեն, և հանգուցյալների հարազատները չգիտեն` ինչ պիտի արվի, որովհետև թեմում հոգևորական չի մնացել»,–ասաց նա։
***
|
Լրագրող Նաիրի Հոխիկյանի ֆեյսբուքյան գրառումը․ «2018-ին, երբ Նիկոլի հովանավորած «Նոր Հայաստան, նոր Հայրապետ» նախաձեռնության անդամները Գնդեվանքում հարձակվել էին Կաթողիկոսի վրա, ապա գրոհել Մայր Աթոռի Վեհարանը, եկեղեցու բազմաթիվ սպասավորներ իրենց աջակցությունը հայտնեցին Գարեգին Բ Ամենայն Հայոց կաթողիկոսին։ |
|
*** Վարութային և ապացուցողական անհրաժեշտ գործողություններ են կատարվում. Քննչականը` հոգևորականների ձերբակալության և խուզարկությունների մասին «Իշխանական կամ ծառայողական լիազորությունները օգտագործելով հավաք անցկացնելուն կամ դրան մասնակցելուն խոչընդոտելու կամ հարկադրելու, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելու դեպքի առթիվ նախաձեռնված քրեական վարույթի նախաքննության շրջանակներում են դրանք իրականացվում»,–հայտնել են ՔԿ–ից։ Հավելենք, որ Հովհաննավանքի հոգևորական Տեր Արամը Հանրայինի հեռուստատեսության եթերում ասել էր, որ ընդդիմության հավաքներին մասնակցել է վերադասի հրահանգով, ով Գարեգին Բ-ի քրոջ որդին է՝ Արագածոտնի թեմի առաջնորդ Տեր Մկրտիչ եպիսկոպոս Պռոշյանը։ Այս հայտարարության հիման վրա ՀՀ քննչական կոմիտեում քրեական վարույթ է նախաձեռնվել հավաք անցկացնելուն կամ դրան մասնակցելուն խոչընդոտելը կամ հարկադրելը հոդվածով: *** Արագածոտնի թեմի առաջնորդի և հինգ քահանաների ձերբակալություններն, ըստ լուրերի, Տեր Արամի հաղորդման հիման վրա են եղել։ «24Նյուզ»-ը կապ է հաստատել Տեր Արամի հետ` ճշտելու լուրը։ Քահանան ասել է, որ լրատվականից է տեղեկանում խուզարկությունների մասին և ոչ մի ինֆորմացիա չունի: Ճշտող հարցին պատասխանել է, որ ո՛չ իր տանը, ո՛չ եկեղեցում քննչական գործողություններ չեն եղել: «Այսինքն, չհասկացա՞, ինչպես թե Սրբազանին և 5 քահանաների են ձերբակալել, ես ձեզնից եմ լսում նման բան։ Դա էլ եմ ձեզնից լսում, որ իմ հայտարարությունների հիման վրա է եղել: Ես կապ չեմ ունեցել որևէ մեկի հետ, քահանաներն էլ ինձ հետ կապ չեն ունեցել»,- ասել է տեր Արամը։ Հարցին, հաղորդում չի՞ ներկայացրել, վերջինս նշեց. «Պետրոս Ղազարյանի մո՞տ, դա նկատի ունե՞ք»: Ճշգրտող հարցին՝ բացի դրանից, Տեր Արամը հայտնեց, որ բացի դրանից այլ հաղորդում ներկայացված չէ․ «Ինչ ներկայացվել է, եղել է Պետրոս Ղազարյանի մոտի հարցազրույցը, մնացած մասով տեղեկություններ չունեմ»,- ասել է Տեր Արամը: Ավելի ուշ լուրեր տարածվեցին, որ Տեր Արամի հայտարարությունների հիման վրա ՔԿ հաղորդում է ներկայացրել ԻՔՄ ծրագրերի համակարգող Դանիել Իոաննիսյանը: ***
***
|
||
|
ԼՀԿ նախկին անդամ Անի Սամսոնյանի ֆեյսբուքյան գրառումը. «Քանի կոպեկ արժի հոգևորականներին ձերբակալելու կապակցությամբ աշխարհիկներիս վրդովմունքը, երբ եկեղեցականները Էջմիածնում իշխանականներին աղ ու հացով են դիմավորում: |
