ԱՄՆ-ում հիմնված ընկերություններից մեկը պատրաստվում է սկսել «Հայփերլուփ» թարգմանաբար Արագընթաց Հանգույցի կառուցողական աշխատանքները, որի շնորհիվ ուղևորները երկաթյա խողովակների միջոցով կերթևեկեն գրեթե 1200 կիլոմետր արագությամբ:
Այն ինչ նախկինում թվում էր երևակայական և անիրական, շուտով կդառնա իրականություն: 2016 թվականին կսկսվի երկաթյա խողովակի միջով երթևեկության միջոցի շինարարությունը:
«Հայփերլուփ Երթևեկության Տեխնոլոգիաներ» ընկերության նախագահ Դիրք Ալբորնի խոսքերով, Կալիֆորնիա նահանգում կկառուցվի Քյուի Վալլեյ քաղաքը, որտեղ էլ կսկսեն ութ կիլոմետր ձգվող Հայփերլուփի շինարարությունը:
Քյուի Վալլեյ քաղաքը ամբողջովին կկիրառի վերականգնվող էներգիա։ Այստեղ է գործելու միլիարդատեր գործարար Էլոն Մասքի կողմից ներկայացված Հայփերլուփ երթևեկության համակարգը:
Ամերիկայի ձայնի տեսանյութը
