ՑԱՅԳ-ը գրում է.Ժամանակավորից դեպի հիմնական: Սա այն հիմնախնդիրն է, որն արդեն 27 տարի չունի վերջնական լուծում: 1988 թվականի Սպիտակի աղետի հետևանքով Գյումրիում հողին հավասարված բնակֆոնդի զգալի մասը վերականգնված է: Սրանով հանդերձ, անօթևանության խնդիրը դեռ մնում է հանրապետության երկրորդ քաղաքի գարշապարը: Գալիք տարում շատ ծրագրեր կան կյանքի կոչելու: Դրանց իրականացման պարագայում ժամանակավոր կացարանները կդառնան քարաշեն բնակարաններ` հիմնական ու տաքուկ անկյուններ 2 և ավել տասնամյակ տնակներում ծնված, մեծացած և նոր ընտանիքներ կազմած հետաղետյան սերնդի համար: