ԱՄՆ նախագահ Դոնալդ Թրամփը որոշել է հարված հասցնել Իրանին՝ պատասխանելով Թեհրանի կողմից ամերիկյան անօդաչուն ոչնչացնելուն, սակայն ավելի ուշ չեղյալ է համարել որոշումը: Այս մասին հայտնում է The New York Times-ը:
Պարբերականի տեղեկություններով, հունիսի 20-ին ԱՄՆ նախագահը համաձայնություն է տվել մի քանի օբյեկտների, այդ թվում ռադարների և հրթիռային մարտկոցների, հարված հասցնելուն: Հարվածը պետք է հասցվեր ուրբաթ առավոտյան, որպեսզի քաղաքացիական անձանց շրջանում զոհերի հավանակնությունը փոքր լիներ:
Թրամփն օպերացիան չեղյալ է համարել հենց սկզբնական փուլում, երբ օդանավերն արդեն օդում են եղել, իսկ նավերը՝ տեղում, սակայն հրթիռները դեռ արձակված չեն եղել: Որոշումը հետաձգվել է անորոշ ժամանակով:
