ԱՄՆ Հավայի նահանգի Ներկայացուցիչների պալատը միաձայն բանաձև է ընդունել՝ ճանաչելով Լեռնային Ղարաբաղի Հանրապետության անկախությունը։ Այդ մասին ֆեյսբուքյան իր էջում հայտնում է ԱՄՆ-ում Հայ դատի հանձնախումբը:
«Մենք նոր տեղեկություն ենք ստացել Հոնոլուլուի մեր ընկերներից, որը հաստատում է, որ այսօր Հավայի նահանգի Ներկայացուցիչների պալատը միաձայն բանաձև է ընդունել՝ ճանաչելով Լեռնային Ղարաբաղի Հանրապետության անկախությունը»,- նշված էէ հաղորդագրության մեջ։ Նրանք հորդորել են միջազգային հանրությանը ԼՂՀ-ն ճանաչել` որպես ազատ, անկախ եւ ինքնիշխան ժողովրդավարական պետություն:
Պալատը կփոխանցի փաստաթղթի վավերացված պատճենը Միացյալ Նահանգների նախագահին և Կոնգրեսի Սենատի և Ներկայացուցիչների պալատի մեծամասնության առաջնորդներին։
