Այս մարդը`ամերիկացի Սթյուարթ Թոմասը, մոտ 10 տարի առաջ Երևանում որդեգրեց այս փոքրիկ հայորդուն`նորածին Հակոբին, որ ի ծնե հաշմանդամ էր`զրկված աջ ձեռքից:
Իր կենսաբանական ծնողները լքել էին նրան:
Այս մարդը նախ և առաջ ծնողներ պարգևեց այս հրաշալի փոքրիկին`հանձինս իրեն և յուր կնոջ` Քիրսթընի:
Այնուհետև, չափահաս դառնալուց հետո, նրան ձեռք կպարգևի, արհեստական անշուշտ, բայց այդ ժամանակ այն շատ քիչ կտարբերվի բնականից:
Այժմ մտահոգված են, որ տղան հայերեն իմանա, ինչը շատ բարդ է Քենտաքի նահանգի պայմաններում, որտեղ չկա անգամ հայկական եկեղեցի:
Ինձ համար պատիվ է ճանաչել այդ մարդկանց`Սթյուարթ Թոմասին, Քիրսթըն Բենսընին և փոքրիկ Հակոբին:
