Առնվազն 65 մարդ է զոհվել, շուրջ 300-ը վիրավորվել են Պակիստանի Լահոր քաղաքի կենտրոնում` Գուլշան-ի-Իքբալ զբոսայգու կայանատեղիում, մանկական խաղահրապարակի հարեւանությամբ տեղի ունեցած պայթյունի հետեւանքով, հաղորդում է lenta.ru-ն:
Պայթյունն իրականացրել է մահապարտ ահաբեկիչը, որից հետո խուճապ է սկսվել:
Այգում են գտնվել բազմաթիվ քրիստոնյաներ, ովքեր տոնել են Սուրբ Զատիկը: Զոհերի ու վիրավորների թվում շատ են կանայք եւ երեխաները:
«Թալիբան» շարժման «Ջամաաթ ուլ-Ահրար» կազմակերպությունը ստանձնել է ահաբեկչության պատասխանատվությունը: Նրանք ասել են, որ իրենց թիրախը քրիստոնյաներն էին իսկ մահապարտ-զինյալները շարունակելու են այդ հարձակումները:
