«Փաշինյանն ուզում է մեկընդմիշտ փակել Արցախի հարցը, հանել մեր հիշողությունից»,- ֆեյսբուքյան եթերում ասել է ՀՀ ԱԳ նախկին նախարար Վարդան Օսկանյանը։ «Դա անելու համար, նաև Ադրբեջանի պահանջով, իր առաջ 4 խնդիր է դրվել՝ փոխել ՀՀ Սահմանադրությունը, միջազգային դատական ատյաններից հետ կանչել բոլոր հայցերը։ Երրորդ խնդիրը, որ Փաշինյանի առաջ դրվել է ու պատրաստ է անել՝ Մինսկի խմբի չեղարկումն է, ու վերջինը, ՀՀ ներսում արցախահայության վիճակն այնքան բարդացնելը, որ լքեն ՀՀ-ն»,- հավելել է Օսկանյանը։