8 տարի առաջ, Հունվարի 19-ին, Ստամբուլում սպանվեց ՀՐԱՆՏ ԴԻՆՔԸ, պոլսահայ նշանավոր լրագրող, Թուրքիայում հայերեն և թուրքերեն լեզուներով տպագրվող միակ ամսաթերթի՝ «Ակոսի» գլխավոր խմբագիրը:
Հրանտ Դինքի սպանությամբ մենք անդառնալիորեն կորցրեցինք ազնիվ ու ազգասեր մեր եղբորը, որի տեղը շատ դժվար է լրացնելը: Նրանից հետո մնացած այդ բացը միայն խմբագրի, միայն հրատարակչապետի տեղը չէ` դրանք լցնելը հեշտ է: Բայց այն Տեղը, որ Հրանտ Դինք էր կոչվում, միայն իրե'նն էր, մի Անհատի, ով ամուր կառչած էր իր հայրենի` պապենական հողին, ով Հայաստան ասելով հասկանում էր հենց ա'յդ հողը, հայ ասելով հասկանում էր հայի հենց ա'յն տեսակը, որը հիշողություններով իր արմատների մեջ է, հայացքով` այսօրին ու գալիքին:
