Համացանցում հայտնվել է տեսանյութ, որում 67-ամյա Հակոբ Նազարի-Դեխնավին հայհոյում է ոստիկանին, որն իրեն ապտակել էր:
Զգուշացնենք, որ տեսանյութը նախատեսված է 18-ից բարձր անձանց համար:
Հիշեցնենք, որ օրերս «Ոտքի Հայաստան» ակցիայի ժամանակ` մասնակիցների և ոստիկանների միջև միջադեպ է եղել, որի ժամանակ ոստիկանն ապտակել էր տարեց տղամարդուն:Արթուր Վարդգեսյանի լիազորությունները դադարեցվել են, նշանակվել է ծառայողական քննություն: Վերջինս տեղափոխվել է հիվանդանոց, արցերին պատասխանում է հիվանդասենյակում՝ հույժ գաղտնի պահելով իր առողջական խնդիրները: Միաժամանակ Արթուր Վարդգեսյանը նշել է, որ հայցում է հանրության ներողամտությունը, գիտակցում է իր սխալ և զղջում:
Հավելենք, որ 67-ամյա Հակոբ Նազարի-Դեխնավին, որին և ապտակել էր ոստիկանը, մինչ այդ խոստովանել էր, որ պահանջում է ոստիկանից ներողություն: Նաև պարզաբանել էր, որ նախքան հարվածը չէր հայհոյել և դա արել էր միայն ապտակից հետո: Տղամարդը պարզաբանել է նաև այն խոսակցությունը, որի համաձայն ադրբեջանական ծագում ունի` ասելով, որ ծնունդով հայ է և 1985թ. է Թեհրանից վերադարձել Հայաստան:
