Ղազախստանում շարունակում են առևանգել երիտասարդ աղջիկներին և բռնի ուժով ամուսնացնել։ Ղազախստանի «Խաբար» գործակալության լրագրող Բարուշան Օրդան իր ֆեյսբուքյան էջում մի տեսանյութ է հրապարկել, որում երիտասարդ աղջկան բռնի ուժով գլխաշոր են հագցնում: Աղջիկը դիմադրում է ու գոռում է:

Լրագրողը պարզաբանում է, որ աղջիկը վիճում է, իսկ կինն ու տղամարդը նրան համոզում են: Հետևում կանգնած կինը նրանց երեքի վրա կոնֆետ է շաղ տալիս, դա «շաշու» է, հնագույն ավանդույթի մի մասը: Ի վերջո տղամարդուն ու կնոջը հաջողվում է նրա գլխին գցել գլխաշորը, ինչից հետո աղջիկն այլևս չի դիմադրում և միայն արտասվում է: Համաձայն Ղազախստանի հնագույն ավանդույթի, եթե աղջկա գլխին գլխաշոր են կապում, ուրեմն նա պարտավոր է ամուսնանալ: