«2016 թվականը վճռական տարի է: Հինը հեռանում է, տհաճը՝ նույնպես: Ճանապարհ պետք է բացվի նորի համար.նոր հետաքրքրություններ, հաջողություններ՝ նոր մտահղացումներին: Մինչև մարտ ամիսը Մարսը կքանդի շատ բան: Հեշտ սերեր կլինեն ու հեշտ կվերանան: Պետք է զգուշանալ: Մի՛ շտապեք, որոշումներ ընդունելուց, երկար մտածեք: Հեղինակությունները կարող են ոտնատակ արվել, դրա համար պետք է զգույշ լինել՝ չկործանվելու համար:
Ամեն մեկը կարծում է, թե ինքն ամենալավն է, բայց վտանգը, որը սպառնում է մեզ, մեկ բան է պահանջում.մարդը պետք է կարողանա օգնել իր շրջապատին: Եթե մարդիկ իրար չօգնեն՝ լուրջ վտանգներ են սպասվում: Խոսքը վերաբերում է հատկապես նրանց, ովքեր տեսնել ու լսել չեն ուզում, որ գոյություն ունի անտեսանելին, որը Տիեզերքի ղեկավարումն է:
Ամենակարևորը, վատ դիրք ունեն միմյանց նկատմամբ Ուրանը և Պլուտոնը: Քառակուսի են կազմում, ինչը 10-յակ տարիներ մեկ է լինում, իսկ դա նշանակում է անսպասելի, հանկարծակի դեպքեր»,-այսօր՝ լրագրողների հետ հանդիպման ժամանակ ասաց աստղաբան Էլյա Հովհաննիսյնաը:
Իսկ, թե 2016 թվականին ում, ինչ է սպասվում, նշեց.
Ցուլի համար տարին ներքին տագնապ է առաջացնում: Նրա համար վատ տարի կլինի, եթե ատում է անտեսանելին:
Վագրը հավատում է, որ եկել է իր բոլոր մտահղացումների իրականացման ժամանակը, բայց տարին պահանջում է զբաղվել իր կնոջ հետ կապված հարցերով: Թող նրա դարդը լացի:
Կատուն չի անհանգստանում, սպասում է, որ անկարգությունները վերանան: նա պետք է մտածի իր առողջության մասին:
Վիշապը փորձում է առաջ շարժվել, ծրագրեր ունի: Նա չի սիրում, երբ իր վրա ծիծաղում են: Պետք է զբաղվի իր երեխաների հետ կապված հարցերով:
Օձը ծիծաղելի է, երբ հետաքրքրությունից դրդված մասնակցում է իրադարձություններին: Նա ծնողներից չի շահի:
Տարվա անկարգությունները գլխացավանք կառաջացնեն ձիու համար, իսկ նա կորոշի զբաղվել քաղաքականությամբ՝ ապահովելով իր թիկունքը: Ամրանում է նրա կապը եղբայրների և քույրերի հետ:
Այծի համար տարին անհետաքրքիր է: Զբաղվում է իր աշխատանքի հետ կապված հարցերով, որոնք նրան ֆինանսական մեծ հաջողություններ են խոստանում:
Կապիկը զվարճանում է, ինչն արդեն անկարգություն է: Նա չի նկատում հարվածող ձեռքին, որտեղ էլ և վտանգն է:
Աքաղաղի թշնամիները կշատանան, քանի որ հարձակումներով ուզում է կարգ ու կանոն ստեղծել:
Շան համար տարին սիրառատ կլինի: Նա հավատում է, որ կիրականացնի իր մտահղացումները:
Խոզը կանի այն, ինչին հավատում է հոգով: Նրա անձնական գործերը վերականգնվում են, հատկապես սերը:
Առնետներին ուրախացնում են տարվա բոլոր անկարգությունները: Նա գտնում է իր երջանկությունը: Թող ամուսնանա և գնա ճամփորդության:
Անի Կարապետյան
