«2016 թվականը կմեկնարկի մարտի 21 -ին ու կգտնվի Արեգակի ազդեցության ներքո: Ակտիվություն կցուցաբերի կրակային եռանկյունին.խոյ, առյուծ աղեղնավոր: Տարվա հաջողակները երկվորյակներն ու այծեղջյուրներն են»,-լրագրողների հետ հանդիպման ժամանակ ասաց աստղաբան-էզոթերիկ Գուրգեն Հովհաննիսյանը:
Նրա խոսքով՝ հետաքրքիր տարի է սպասվում խոյերի համար.
Բուռն փոփոխություններով, էմոցիաներով լի տարի է լինելու խոյերի համար: Կլինեն ճակատագրական իրադարձություններ: Պետք է ուղղակի խուսափեն շատ քննադատելուց:
Ցուլերի համար տարին խոստումնալից է հատկապես խոսքի առումով: Խոշոր դժվարություններ կհանդիպեն տարվա ընթացքում և հաղթահարելով դրանք՝ ցուլն իր մեջ կբացահայտի այն հատկությունները, որոնց մասին տեղյակ չէր: Կլինեն նաև ճանապարհորդություններ:
Երկվորյակների համար հաղթանակների տարի է: Այն բոլոր խնդիրները, որոնք կուտակվել էին, կլուծվեն:
Շատ հետաքրքիր տարի է սպասվում խեցգետինների համար: Կլինեն մի շարք բացահայտումներ: Ի դեպ, խեցգետնի նշանի ներքո է գտնվում Հոլանդիան, որտեղ կտրուկ փոփոխություններ կլինեն:
Առյուծների համար էլ հաջողություններ կլինեն:
Կշեռքների համար մի փոքր դժվարություններ կլինեն:
Կարիճների համար կարևոր կլինեն առողջությունը և հոգևորը: Գործնական առումով այդքան էլ բարենպաստ տարի չէ:
Աղեղնավորների համար տարին սիրառատ ու հաջողություններով լի է լինելու: Ուղղակի պետք է խուսափել անզգուշորեն, չմտածված ասված խոսքերից:
Այծեղջյուրների համար անշարժ գույքի ձեռքբերման, ընտանիքի ձևավորման և ամրացման տարի կլինի:
Տարին հետաքրքիր կլինի ջրհոսների համար: Կաղապարներից դուրս գալու դեպքում հաջողություն կլինի:
Ինչ վերաբերում է ձկներին, ապա Գուրգեն Հովհաննիսյանի փոխանցմամբ՝ տարին էմոցիաներով լի է:
Նրա հաղորդմամբ՝ տարվա գույն են համարվում կարմիրը, ոսկեգույնը, բաց կապույտը, ծիրանագույնը:
Կլինի 2 արևային և լուսնային խավարում:
Ինչ վերաբերում է Հայաստանին, ապա, Գուրգեն Հովհաննիսյանի մեկնաբանմամբ՝ սահմանային լարվածությունը կպահպանվի, բայց պատերազմ չի սպասվում:
