Le Soir թերթը հայտնում է, որ Բելգիայի Մեխելեն քաղաքի դատախազությունը քրեական հետապնդում է սկսել Skype ծառայության ինտերնետ հեռախոսակապի դեմ:
Ըստ պարբերականի՝ իրավաահ մարմինները այս որոշումը կայացրել են այն պատճառով, որ Skype-ը հրաժարվել է բելգիացի քննիչներին տրամադրել հանցավոր գործունեության մեջ կասկածվող երկու կասկածյալների խոսակցությունները:
Հետաքննությունը պնդում է, որ 2012 թվականին Հայաստանից երկու ներգաղթյալներ ակտիվ օգտվել են ծառայությունից՝ այդկերպ համաձայնեցնելով իրենց հանցավոր մտադրությունները, որ առնչվում են մաքսանենգ արտադրանքի մատակարարումներին ու գողացված գույքին:
Skype-ում, թերթի տեղեկությունների համաձայն, հրաժարվել են դատախազության աշխատակիցներին տրամադրել կասկածյալների խոսակցությունների ձայնագրությունները՝ պատճառաբանելով, որ ընկերությունը Բելգիայի հեռախոսային օպերատոր չէ և և իր վրա չի տարածվում այդ երկրի օրենսդրությունը:
Այնինչ Մեխելենի դատախազության կարծիքով՝ տվյալ դեպքում Skype-ը խախտել է հեռահաղորդակցությունների մասին բելգիական օրենքը:
